Description
Die belangrikheid van Breyten Breytenbach in die literore, kulturele en politieke landskap van Suid-Afrika kan moeilik oorskat word. As skrywer het hy ‘n monumentale oeuvre opgebou wat bestaan uit digbundels, kortverhaalbundels, romans, prosatekste, outobiografiese tekste, reisboeke, teaterstukke, essaybundels en skrywershandleidings. As skilder het hy ‘n indrukwekkende korpus van werke geproduseer. As openbare figuur het hy hom volhardend bly bemoei met Suid-Afrikaanse toestande ten spyte van die feit dat hy vir die grootste deel van sy lewe buite die land gewoon het. Hierdie boek gee ‘n oorsig van verskillende aspekte van Breytenbach se skryfwerk. Die boek lewer verslag van ‘n jare lange belangstelling in Breytenbach se werk, veral sy poasie. In sy geheel reflekteer die boek die verskillende leesstrategiea waartoe die werk van hierdie skrywer die leser uitnooi. Sommige van die hoofstukke ondersoek bepaalde temas in sy oeuvre, terwyl ander op spesifieke tekste fokus [vir die] plesier wat dit kan gee om woord vir woord met ‘n Breytenbach-teks besig te wees.
